DELFINA ÁLVAREZ VALLE

Filla de Fermín e de Faustina, naceu en Casaio en 1920. Estaba solteira e traballaba na casa e nos labores do campo e foi detida en 1942, tiña 22 anos. Unha vítima máis do franqulismo como tamén o foi súa irmá, África que estivo recluída uns meses no Cárcere de Astorga.

A Garda Civil de o Barco apresouna  o 8 de maio de 1942 e levouna ante o Xuíz Instrutor desa vila pois imputábanlle haber dado auxilio á rebelión contra o Movemento Nacional:

El 8 de mayo de 1942 ingresa provisional por orden del Sr. Teniente de Vigilancia y persecución de huidos de esta Plaza. El 11 de mayo es entregada a la Policía Armada por orden de la misma Autoridad para ser conducida a Orense para ser puesta a disposición del Sr. Teniente Coronel Jefe de los mismos servicios de la Plaza de Orense. (1).

Dos días 12 ao 15 Delfina  estivo nos Depósitos Municipais de O Barco destacando dela a súa boa conduta. Non obstante, determínase que vai ser conducida pola Garda Civil  á Prisión Provincial de Ourense na que ingresa o 21 de maio de 1942.

(Fonte: Libro rexistro de filiacións de reclusos de novo ingreso dos anos 1941 a 1942. ES.GA.32054.AHPOU/1.3.2.9.2.2.1.2.2241. Libro 2241.(327)).

Pero, segundo un certificado escrito por José Antonio Fernández Lorenzo, Cabo do Rexemento de Infantería número 55 e Secretario da Causa número 348 correspondente a Delfina e asinado, así mesmo, polo Tenente Coronel Xuíz, manifestábase que as causas contra Delfina non se atopaban suficientemente probadas. Polo tanto, o Goberno Militar de Ourense  acordou o sobreseimento provisional segundo o disposto no artigo 538 do Código da Xustiza Militar.

E, en efecto, o Goberno Militar de Ourense decidiu  que Delfina fose posta en liberdade. Tal que así, saíu do cárcere o o 11 de xullo de 1942.

(Elaboración propia a partir do Expediente de Delfina Álvarez Valle. ES.GA.32054.AHPOU/1.3.2.9.2.2.1.1.//23962/018. Caixa 23962/018.) (1) (C- 23962/018 (03).