JOSEFA CONCEPCIÓN FERNÁNDEZ MERINO

Naceu en Baños de Molgas o 23 de xaneiro de 1923. Era filla do médico de Baños de Molgas Argimiro Fernández Carbajo e Ana Merino Pérez. Tras rematar o bacharelato en 1937 con brillantes cualificacións matriculouse en 1939 na Facultade de Farmacia de Santiago de Compostela e acadou o título de licenciada en 1944. Ademais realizou estudos de Química e Maxisterio. Era irmá de Carmen Fernández Merino que tamén se licenciou en Farmancia e tiña a súa farmacia en Baños de Molgas.

Unha vez licenciada inscribiuse no colexio de farmacéuticos e exerceu como directora técnica dos Almacéns Fábrega Coello. No ano 1949 instalou unha farmacia en Luíntra. Nese mesmo ano tamén foi nomeada inspectora farmacéutica da zona de Salvaterra.

Casou con Rogelio Val Dávila, médico de San Cibrán desde 1955 e durante algúns anos alcalde desa localidade.

Josefa faleceu o 1 de febreiro de 2012 aos 89 anos e deixou tras de si unha vida dedicada á súa profesión. Outro exemplo de muller que tomou a decisión de ser independente.

Vid: Cid Galante, Rosa María, Tese de Doutoramento; Fleire Quintas, Laura, Aportación a la Historia de la Farmacia en la provincia de Orense, traballo presentado na Facultade de Farmacia da Universidade Complutense en 2016, p., 225. (Foto extraída de Fleire Quintas); El Ideal gallego, 17 de febreiro de 1949, p. 7; La Región, 31 de maio de 1936, p. 5; La Región, 13 de marzo de 1964, p. 4.