Estudou maxisterio rematando a carreira en 1887 e desde moi nova destacou como intérprete de piano. Compuxo a música para o poema "La Florista" do poeta santanderino, Ramón Solano Polanco e foi moi alabada polo público.
Era unha peza musical interpretada sempre nos festivais da Escola Obreira Inmaculada Concepción motivo polo cal a propia Consuelo Solano doou dez exemplares da súa composición "La Florista" á Escola Obreira Inmaculada Concepción para que o que se recadara quedara a beneficio da escola. Sen dúbida, unha mostra de agarimo e apoio ao labor da Escola Obreira dirixida por Blanca Calvo.
(Elaboración propia a partir de diversas fontes)
Vid: La Región, 25 de abril de 1923; 28 de abril de 1923; 1 de maio de 1923.
