Casou cun barbeiro de Ourense, sendo para el o segundo matrimonio, e tiveron cinco fillos, Castor, Julia, Camilo, Eduardo e Marina. A familia vivía no lugar chamado Fonte do Monte, número 6. Pero o home abandonou a toda familia e marchou con outra muller que era florista no mercado, Eduardo tiña entón sete aniños. A nai tería que levar a cabo un labor arduo para sacar adiante a todos os seus fillos e dedicouse ao oficio de costureira. Para Eduardo a súa nai era o seu refuxio e a quen máis quixo na súa vida. A través das súas novelas deixa ver esa figura da nai: unha nai que cobixa, protexe, ampara. Unha nai fonte de inspiración.
Aurora faleceu o 14 de xuño de 1933, e por ser a nai do recoñecido escritor e o seu sepelio foi presidido polo alcalde da cidade, Antonio Álvarez Dopazo, e polo profesor da Normal, destacado escritor e intelectual galeguista, Vicente Risco. Os seus restos descansan no Cemiterio de San Francisco.
