Naceu en Ourense en maio de 1922. Fixo estudos de Farmacia na Facultade de Santiago de Compostela e licenciouse en 1947. Inscribiuse no Colexio de Farmacéuticos de Ourense e tiña o número 116 e instalou a súa farmacia en Castrelo do Miño. Unha vez que se instalou en Castrelo do Miño exerceu de corresponsal para o periódico El Pueblo Gallego no que daba conta dos acontecementos acaecidos na comarca.
Era unha muller moi respectada na zona participando nos eventos culturais e actos sociais.
Faleceu en Castrelo do Miño o 4 de outubro de 2014 cando tiña 91 anos.
(Fonte: El pueblo Gallego, 16 de febreiro de 1966. Galiciana)
