Carmen Doval era filla do afamado político galego de Noia, jurista e criminalista galego Don Gerardo Doval que fora ilustre alumno da Universidade de Santiago e que faleceu en Madrid en 1940.
Carmen naceu en Madrid en 1894. Comezou os estudos de Químicas na Facultade de Ciencias e Medicina na Univesidade de Valencia e aos dezasete anos emprende os estudos de Farmacia en Madrid. En 1920 Carmen rematou os estudos de Farmacia cun excelente expediente.
Casou en Madrid en 1922 co avogado Don Luis Barrena y Alonso Ojeda e tiveron seis fillos ( Carmen, Luisa, Soledad, Ana María, Paloma e Luis. Ana morrería moi nova debido á tuberculose) e a familia era asidua a veranear en Muros. Luís en tempos da Guerra Civil foi paseado por un grupo de falanxistas na noite do 21 de agosto de 1936 e ao día seguinte apareceu morto en Outes con dous tiros na cabeza.
(Fonte: El Norte de Galicia, 2 de xullo de 1920, p. 3. Galiciana)
Carmen tivo que saír adiante cos seus fillos e é entón cando inscribe no Colexio de Farmacia en 1945 e é entón cando abre a súa farmacia en Castro Caldelas pero por ser muller de "rojo" non tivo a licencia para abrir a farmacia. A continuación traslado a información que me facilitou José Antonio Calvo Barrena, neto de Carmen e fillo de Soledad:
Más relevante es la información de que mi abuela, por ser mujer de "rojo", nunca tuvo licencia para poder regentar una farmacia. En su lugar, mi abuela Carmen tuvo que malvender su título para que un "hombre de bien" de los de aquella época abriera la farmacia con su nombre y licencia. Mi madre, como todos los hermanos, tuvo que buscarse la vida desde muy joven, y solo pudo estudiar con mucho esfuerzo, trabajando al mismo tiempo en una mercería de Santiago.
Quero agradecer, encarecidamente, que José Antonio Calvo contactara comigo para facer as puntualiacións oportunas sobre Carmen Doval. Estas colaboracións son moi enriquecedoras e garantizan unha información fidedigna.
Vid: El Compostelano, 7 de xaneiro de 1922; El norte de Galicia, 2 de xullo de 1920; Fleire Quintas, Laura, Aportación a la historia de la farmacia en la provincia de Orense, Tesis Doctoral presentada en la Universidad Complutense de Madrid. 2016, p. 208. Foto de extraída de Fleire Quintas; Sánchez Durá, Dolores e Verdugo Martí, Vicenta, El acceso de las mujeres a la Universidad de Valencia (1910-1960), Valencia, 2011, p. 2 e 42.
