Neste caso e para esta entrada recóllese un feito que pode considerarse interesante por como o enfoca o propio xornal ou articulista. O suceso acontece en maio de 1936 e, polo visto, tal como conta, algunhas xentes de Ourense non eran moi partidarias de que a Igrexa exercese a súa influencia na sociedade.
O caso que se narra na páxina 1 de La Región do 5 de maio de 1936 é o seguinte:
...el domingo un grupo de catequistas, acompañadas de un sacerdote, fueron, según costumbre, al pueblecito de La Granja a explicar sus lecciones de doctrina cristiana a los niños en la capilla; y pudo darse el caso inaudito de que una sola mujer, comunista, por supuesto, ellas sola, con su actitude descompuesta, impidió lo que era deseo de todo el pueblo, imponiéndose a todos los demás, que hubieron de ceder ante el temor de originar un incidente que pudiera ser trágico...
Non ofrece o nome da muller, o que resultaría bastante interesante para coñecer máis en profundidade que foi o que a motivou a facer o fixo. O xornal di que "comunista, por supuesto" o que parece indicar que a muller era unha laica declarada e non vía con bos ollos que a igrexa quixera adoutrinar aos nenos e nenas. En tempos da República, na que recentemente, en febreiro, gañara a Fronte Popular, o laicismo estaba nas vidas da sociedade española e, de seguro, moitos e moitas, eran partidarios de defender ese espírito da constitución republicana. En Ourense, con ser unha cidade de espírito conservador, si houbo mulleres que se declararon a favor do espírito republicano, e se non o fixeron verbalizándoo ou militanto como tal, si o demostraron polos seus feitos.
Vid: Temas orensanos (1936, 5 maio). La Región, p. 1.
