Durante longo tempo estiven absorbida na lectura do libro "El infinito en un junco". Mentres os meus ollos percorrían as súas liñas trasladábame a tempos, espazos, lugares, personaxes...que provocaban en min un intenso regocixo polo que ía aprendendo.
Este ensaio-novela voltou a sentir en min o orgullo de que fose escrito por unha muller, Irene Vallejo. As razóns son varias. É un libro impregnado de filo-sofía, cimentado nunha exquisita documentación, demostrando que a autora lle dedicou numerosísimas horas e tempo para ir conformándoo (así o demostra a numerosa bibliografía consultada). É un libro intrigante que logra adentrarnos nunha "trama" de difícil escapatoria polo envolvente de xuncos. Si, en efecto,"trama". Chamamos trama ao argumento de algo e a "trama" tamén é o entrelazado de fíos, deses fíos que conforman o papel antigo e o papiro. Por outra banda, a autora demostra ter uns amplísimos coñecementos sobre filoloxía e narrativa...fundamentado no humanístico.
Os libros son os heroes do tempo, son os protagonistas deste libro. Os libros tan amados por tantos e dos que tanto aprendemos convértense en núcleo central do argumento. Como naceron, como evolucionaron, como se custodiaron, como atraeron, como foron tesouro e chegaron a provocar guerras e persecución...Todo isto explica a autora que como di creceu cos libros. É, por fin, un panexírico aos libros.
É un percorrido pola orixe das palabras e o alfabeto. É un transitar de páxinas tal como camiñar polos papiros entramados dos que xurdiron os libros. Un percorrido polos biblios, biblia e bibliotecas... A Ilíada, a Odisea, Homero, Alexandro, Umberto Eco, Borges, Alexandría, Bolonia...un transcorrir de referencias onde non faltan as mulleres do mundo antigo, vetadas na cultura, pero malia todo tamén escribiron, narraron, compuxeron poesías e ensaios.
Todo este inmenso mundo narrado de xeito exquisitísimo, fluído...nun ir desde a antigüidade ao presente e volta a atrás. Unha historia encerra outra a xeito de matriosca. Unha historia leva ao cine, ás imaxes, ás historias. Todo "ganchillado" como un tecido.
Os libros e historias con reflexións sobre o presente o que alude compromiso da autora do preciso que é repensar o mundo actual que non pode soslaiarse da cultura, patrimonio inmaterial, que gratifica e pacifica.
Foi un paseo polos xuncos no que cabe un mundo de letras e palabras infinitas.
Un libro no máis auténtico estilo clásico por antonomasia.
12 de xullo de 2022.
