Etiquetas

09 febrero 2019

MARÍA ELENA SUÁREZ

Naceu en Ourense o 8 de Maio de 1873. Ingresou na Escola Normal de Ourense no ano 1886-87, rematando a carreira de Mestra Superior na que obtivo oito notables e dez sobresalientes. Nos exames de reválida para obter os títulos de Mestra Elemental e Superior, acadou tamén sobresaliente. Tan loable expediente deu pé a que disertara en Asambleas sobre Pedagoxía. Tamén, desde 1894 era colaboradora asidua na Revista Popular editada en Pontevedra. Nela escriba sobre asuntos da docencia dos mestres e mestras e tamén da actitude dos pais ante a educación dos seus fillos, criticando que estes non deixaran que remataran os estudos completamente.
Presentouse ás oposicións para as escolas elementais de nenas no ano 1895 e acadou o segundo posto escollendo praza en Ourense. Tamén se presentou ás oposicións para rexentar a Escola Normal de Pontevedra pero neste caso todas as candidatas foron reprobadas. En setembro de 1896 casa co seu tío, o rico propietario do Lisboa, Don Lorenzo Varela.
Foi mestra en Augasantas.
Vid: La Revista Popular; Año IV, n1 78, enero de 1895.



No hay comentarios:

Publicar un comentario