Sofía naceu en Ourense. Casou con Francisco Javier Gaite Lloves, tamén ourensán, catedrático de Xeografía nos Institutos de Cáceres e de Salamanca e que faleceu o 17 de outubro de 1924 en Cidade Real. 
O matrimonio tivo tres fillos: Antonio, que era catedrático; Joaquín que era médico; e ambos os dous eran contemporáneos de Otero Pedrayo. A súa filla, María, casou co notario de Salamanca, José Martín López, de cuxo matrimonio naceu a novelista Carmen Martín Gaite.
A escritora presentou ao premio Nadal en 1958 a novela "Entre visillos" que levaba o seudónimo Sofía Veloso, o nome da súa avoa, e obtería o premio.
Segundo dixo Carmen co seudónimo Sofía Veloso: "quise resucitar el nombre de mi abuela".
(Fonte: La Noche, 14 de xaneiro de 1958, p. 3. Galiciana)
Sofía Veloso faleceu en Salamanca o 24 de xaneiro de 1927.
(Elaboración propia a partir de diversas fontes. Vid: El Adelanto, 23 de outubro de 1924 Octubre 23, p. 2; El Adelanto, 25 de xaneiro de 1927, p. 4; Pueblo, 7 de xaneiro de 1958, p. 8)
