SONIA COUSO FERNÁNDEZ

Outra ourensá que contribúe á recuperación da natureza e hábitat rural a través da iniciativa e o emprendemento. É socia fundadora da cooperativa Amarelante que consiste na recuperación de soutos en estado de abandono para a produción de castaña. Tamén é unha aposta de ecofeminismo nunha zona como o Macizo Central Ourensán.

A asociación naceu en 2013 como resposta aos lumes que sufriu Manzaneda e procura que o espazo natural sexa respectado; vén a dicir que cómpre reivindicar o traballo no medio natural e que se leve co maior coidado para a súa sostenibilidade. Ademais na filosofía da cooperación está  recuperar o mundo rural e evitar a despoboación e manter unha relación interxeneracional para aprender dos maiores e poder trasladar ás futuras xeracións os valores naturais.

Mulleres como Sonia, e outras que citamos xa no blog, Celsa, Marta, Eva...encabezan estas iniciativas que dan mostra de que as mulleres entablan unha relación de protección e afectividade co medio.

Vid: Varias autoras, Árbores que non arden, Catroventos, Pontevedra, 2019, p. 184-186)