Naceu en Ourense e é filla de Manuel Peña-Rey Bouzas e de Marisa Lorenzo.
Isabel Peña Rey forma parte dunha familia de fonda tradición vocacional médica. O seu avó, Don Manuel Peña Rey, foi o primeiro médico que exerceu na cidade na especialidade de obstetricia ademais de ser unha persoa de forte compromiso social e político pola súa terra, sendo o presidente do Partido Galeguista de Ourense. A súa avoa, Celia Bouzas, sería tamén unha destacada defensora do galeguismo ao asinar o Manifesto Galeguista e ser a presidenta do Grupo Feminino do PG. Manifesto que tamén asinarían as súas tías Marina Peña Bouzas e Esther Peña Bouzas.
É filla de Manuel Peña-Rey Bouzas e, como o seu pai, unha comprometida na cuestión política. Presentou, xunto ao seu pai a revista "Nuestra Bandera" publicación do PCG. No ámbito político, Isabel Peña-Rey formou parte dalgunhas candidaturas de En Común Podemos pola provincia de Ourense, vinculadas a Esquerda Unida.
Isabel Peña-Rey é especialista en Medicina Familiar e Comunidade, graduado na especialidade en Saúde Pública e Xénero, máster en Saúde Pública e doutor en Medicina e Cirurxía. na Escola Nacional de Saúde, en ministerios de saúde e en diferentes universidades e dirixiu teses de doutoramento e traballo de fin de máster sobre temas de saúde e xénero.
Foi xefa de área na Axencia de Calidade Sanitaria para coordinar as Estratexias Sanitarias do Sistema Nacional de Saúde para enfermidades crónicas (2009-2014) e xefa de sección de vixilancia epidemiolóxica no Centro Nacional de Epidemioloxía, participando en Redes europeas de vixilancia.
Tamén ten unha ampla experiencia profesional e de xestión: foi coordinadora da Xefatura de Servizo de Programas Poboacionais de Screening do Departamento de Saúde de Galicia. Antes diso, participou como experta nacional na Dirección Xeral de Saúde Pública da Comisión Europea (2014-2018).
O Ministerio de Consumo propúxoa como nova directora da Axencia Española de Seguridade e Nutrición Alimentaria (Aesan) á doutora ourensá Isabel Peña-Rey, actualmente asesora técnica da Dirección Xeral de Saúde Pública do Ministerio de Sanidade.
É autora de moitos artigos en revistas rexistradas no Journal Citation Report (JCR) e foi investigadora do Center for Biomedical Research in the Epidemiology and Public Health Network (Ciberesp). Entre as súas publicacións destacamos:
Epidemiología de la varicela en España en los períodos pre y post vacunación
Coste-efectividad de la vacunación contra la varicela en adolescentes en España
Carga de enfermedad atribuible a las afecciones inmunoprevenibles en la población infantojuvenil española.
______
Vid: La Voz de Galicia, 11 de Abril de 2019; 16 de febreiro de 2021; El Correo Gallego, 18 de Febreiro de 2021; La Región, 14 de abril de 2019.