En efecto, a consideración das mulleres como seres débiles e dependentes facía que fosen (e sexan aínda agora) constantemente fiscalizadas. Sen dúbida, a esixencia dunha vida impoluta e moral facía delas seres reprimidos e represaliados.
É ben certo que a época da Inquisición en España deu lugar á opresión das mulleres. Nuns tempos nos que relixión exercía un control exhaustivo sobre a moral aproveitou a ocasión para atemorizar ás mulleres por se tiñan a ocurrencia de pervertir o orden natural establecido. Non tivo reparo en considerar meigas a todas aquelas que ousasen saírse da norma. Aquelas que tiñan estudos, as que eran decididas, fortes e autónomas xa podían facilmente considerárselles meigas e heréticas.
No libro de Bernardo Barreiro titulado Brujos y astrólogos de la Inquisición de Galicia publicado en 1885 pola Voz de Galicia e reeditado en 2012 pola editorial Maxtol de Valladolid recolle o caso de Ana Martínez de Ribadavia.
Di o autor que Ana Martínez estaba casada con Antonio Solla que era carniceiro en Ribadavia e:
Creía en Dios y en su único poder y plena voluntad; pero cuando un hijo suyo enfermó de repente, separando su creencia de aquellos altos e inescrutables designios del Altísimo según los cuales no hay arena que se mueva en el desierto ni hoja en el árbol que separe sin su consentimiento, buscó en la tierra la causa de tanto daño y halló otros poderes maléficos que luchaban y triunfaban de Dios, arrebatándole sus más hermosas criaturas sólo con la envidia, con la mirada, con el AIRE...(3)
Bernardo argumenta que a tradición galega levaba a pensar que todas as nais adoitaban pensar que o mal do seu neno era debido ao "mal do ollo" ou "mal de aires" e, polo tanto, non escatimaban remedios para poder salvar ao seu fillo. Varios remedios había para combater o mal como, por exemplo, levar aos nenos a un cruce de camiños para sentarse no cruceiro agardando a que pasara un traseúnte a quen se lle dicía: "Mulleriña (ou homiño) que vai de fortuna desencabéstreme esta criatura". O viandante detíñase e cortaba as ligaduras que aprisionaban ao neno enfermo e naquel momento recuperaba a saúde.
Ademais deste método, di o autor que había outros e fala das quebraduras e do enganido cuxo remedio xa viña dos tempos dos celtas e druídas. Pois ben, o mal do fillo de Ana Martínez era o do enganido e segundo se contou na causa:
Fue testificada de que ella y una hermana suya, por enseñanza de otras personas, habían pasado tres veces a un niño (para que sanase de la enfermedad que llaman del enganido), por la hendidura de un carballo, diciendo cada vez que lo pasaban, dándolo la una y recibiéndolo la otra:
-¿Tu que me das, enganido?
-Yo te doy la fulanita...sano por la gracia de Dios y de la Virgen María.(4)
Feito o ritual deixábanse velas de cera prendida e a camisa do enfermo. Estes eran costumes ancestrais en Galicia. Pero así a todo, Ana Martínez foi procesada aínda que logo foi absolta sen cargos.
(1)Elisa Laguna "La mujer ante la Inquisición", Ensaio no Seminario Subgraduado "Spanish 430" da Universidade de California; (2)María José Collantes de Terán de Hera "La mujer en el proceso inquisitorial: hechicería, bigamia y solicitación", Proyecto de Investigación "Literatura del crimen: doctrina jurídica y crónica social (siglos XVI-XX), DER2015-64627-P); (3) (4)Bernardo Barreiro titulado Brujos y astrólogos de la Inquisición de Galicia, Madrid, Arealonga, 1973; pp. 225-228.
