Judit Vega Avelaira é a actual directora da UNED en
Mallorca, despois de dezaseis anos co mesmo cargo en Berna, Suiza. Naceu en
Ourense e estudou no Instituto Otero Pedrayo onde tivo como profesores insignes
á profesora de Historia da Arte, Nora, a quen admiraría e quen lle inculcou o
seu amor pola Historia da Arte. Tamén este gusto o herdou do seu pai, Tomás
Vega Pato polifacético autor, artista e investigador en historia, arqueoloxía e
heráldica, a quien se lle debe a normalización do escudo da provincia e a
bandeira de Ourense: “nos enseñaba desde críos, nos llevaba a ver cosas y, él
mismo, como el mejor antropólogo-arqueólogo, recogía en su cuaderno de campo
miles de informaciones. Un tesoro todo lo que ha reunido e investigado”
Judit continuou os estudos na Facultade de Historia de
Santiago, especializándose en Historia da Arte Antiga e Medieval. Finalizada a
carreira, probablemente o seu camino tivese sido quedarse no Departamento co
magnífico profesor Moralejo pero ese camino cambiou polo seu traslado a Suíza.
Nada máis chegar a Suiza fixo unha Licence ès Lettres, un máster en Historia da
arte, cursou o doutorado e presentou o seu traballo en francés sobre a Catedral
de Santiago levando a cualificación de Summa cum laude. Aos poucos meses xa
daba clases de español como lingua estranxeira nunha academia e rematou os seus
estudos cun posto no Departamento de Historia da Arte Medieval da Universidade
de Friburgo. Compaxinou varios traballos de docente coa colaboración con
publicacións da Emigración, como Mundo Hispánico (Neuchâtel), La Página
(Zúrich), Cartas de España, Nexos Hispano-Suizos... Foi profesora do
Departamento de Arte Medieval e do Instituto de Estudos Medievais da
Universidade de Friburgo, investigadora de Arte Medieval na Universidade de Berna,
colaboradora científica da Universidade de Humboldt (Berlín) e profesora de
UNED Senior. También exerceu como docente de Español na Universidade Popular de
Berna e no Secretariado de Estado para a Economía (Suiza) e foi responsable de
Lengua y Literatura Mundial, Lengua Española e Latín na International School de
Berna (Bachillerato Internacional). Muller políglota pois domina sete idiomas.
Estando en Suíza tamén se licenciou en Antropoloxía e
fixo o Máster de Psicoloxía. Ocuparía en Berna o cargo de directora da
Universidade a Distancia. Ali desenvolvería numerosos proxectos e iniciativas
que tiveron grande impacto e foron moi recoñecidas.
Cando saíu a praza de dirección na UNED das Balerares
presentouse, ademais porque o mar tamén atrae a Judit xa que é unha experta
patrón de barcos e regatista.
Pero ante todo, Judit di que é de Ourense e lembra
pasar a súa infancia entre os pobos dos seus país que eran de Manzaneda e
Trives e a capital. Medrou entre a cidade e a aldea e di que é galega ata
médula: “Galicia está nos meus xenes, é ese fogar que vive nun e ao que sempre
se volve”
Vid: Galiciaexterior