MARTA DEL CONSUELO ÁLVAREZ CRESPO

Mestra que naceu en León o 2 de setembro de 1901 e foi sancionada en 1940 coa separación definitiva do servizo e baixa no escalafón. En 1927 estaba destinada na escola de Petín e no 1929 na escola de Esmoriz en Chantada. No ano 1932 presentouse aos cursiños de selección profesional e aprobounos. En 1939 exercía na escola de Santa Mariña do Monte en Valdeorras e en maio de 1940 foi sancionada e apartada do ensino.

Puido reincorporarse á docencia tras a presentación de documentación de boa conduta e solicitude formal na que expresaba o desexo de reincorporación e, en efecto, así llo outorgaron e  en 1961 estaba na escola das Neves.

Casou con Antonio Albert Cantó e viviron en León.

Consuelo faleceu o 17 de outubro de 1976.

(Elaboración propia a partir de diversas fontes)  Vid: El Correo de Galicia ,15 de maio de 1927; El pueblo gallego, 1 de marzo de 1961; La Región, 19 de abril de 1932; La Región, 26 de novembro de 1939; El magisterio español, Número 9203, 17 de outubro de 1933; Ministerio de Instrución Pública, Primer escalafón de maestras nacionales existentes en 31 de diciembre de 1933, Nueva Imprena, 1934, p.51.