Pacita dedicou toda a súa vida ao negocio familiar fundado polo seu pai sendo un dos primeiros en abrirse dedicado a óptica e a pratería en Ourense. Comezou a traballar nel de nena desde os dezaseis anos e acabaría converténdose nunha experta prateira. O negocio instalouse na Praza Maior e logo abriron outro na rúa máis concurrida de Ourense, na actual rúa do Paseo.
(Fonte: Corpus Christi, 1930, p. 49. De Galiciana)
(Fonte: El Diario de Orense, 28 de xuño de 1918. De Galiciana)
Casou co médico Don Alberto Fábrega en outubro de 1945 e tiveron unha filla.
Estivo entregada de pleno ao negocio, paixón que conxugaba coa dedicación á familia. Acudía a el todos os días pois gustáballe ver a concurrencia da clientela e tamén con disposición de atender ao que precisase sempre cun sorriso. Nunca colleu vacacións e acadou un grande recoñecemento pola súa entrega á empresa, por tal motivo, foi homenaxeada pola Confederación de empresarios de Ourense.
Pacita faleceu en abril de 2020 cando tiña 103 anos.
(Elaboración propia a partir de diversas fontes)
Foto: La Región
Vid: Corpus Christi, 1930, p. 49; El Pueblo gallego, 23 de outubro de 1945.
