Etiquetas

08 junio 2018

LUÍSA BUCETA ÁLVAREZ

Dona Luísa naceu en 1901. Non naceu en Ourense pero veu á nosa cidade pois o seu pai, Luís Buceta Meza era avogado e alto funcionario do Ministerio de Industria e Comercio, veu exercer na nosa cidade. Matriculouse no Instituto provincial no ano 1923 onde cursou dous anos para logo trasladarse ao Instituto de Pontevedra onde remtou os estudos e realizou estudos de Maxisterio. Exerceu en Ponteareas e en varias escolas de Pontevedra. Casou con Aquilino Álvarez Novás o 20 de setembro de 1934.
Vid: Cid Galante, Rosa María. Tese de Doutoramento e publicacións varias.
Vida gallega : ilustración regional: Año XXVI Número 605 - 1934 septiembre 20

01 junio 2018

MARÍA FE BOBILLO ENRÍQUEZ

María Fé Bobillo naceu en Ganade (Xinzo de Limia) no ano 1911. Os seus pais eran comerciantes. Aos 11 anos fixo a inscrición no Instituto Provincial de Ourense. Realizou os estudos de forma libre e posteriormente realizou estudos na Escola Normal de Mestras de Ourense. Titulouse e aprobou en 1934 as oposicións de Grao Profesional de Maxisterio.
Exerceu durante algún tempo nunha escola de Teruel pero logo voltou a Ourense e traballou na escola de Lobaces en Trasmiras; Rairiz de Veiga; Feás (Calvos de Randín)
Vid: Cid Galante, Rosa. Tese de Doutoramento.
El Pueblo gallego : rotativo de la mañana: Año XI Número 3279 - 1934 octubre 5