Etiquetas

05 septiembre 2017

MARCELINA AHUJA

Nun interesante artigo de La Región fálase da Rúa Alba, rúa que uniu a Rúa do Progreso e Santo Domingo creada no ano 1867 e hoxe denominada Alejandro Outeiriño-Cardenal Quiroga. 

Segundo a reportaxe tratábase dunha rúa dinámica en canto a negocios varios e entre eles quería destacar un en especial polo tema que nos toca neste blog. Trátase dunha Academia de señoritas creada no ano 1877 por Marcelina Ahuja. É unha mágoa non ter máis documentación ao respecto para afondar na vida de Marcelina, non obstante, aínda que só se trate dunha reseña breve creo que merece a pena que figure no noso blog.