Etiquetas

19 septiembre 2015

MARÍA DE LA PAZ DELGADO MEIRIÑO

María de la Paz naceu en Pazos, Verín, en 1911. En 1922, aos once anos realiza o ingreso no Instituto Provincial de Ourense e estuda por libre acadando o título de Bacharelato. Posteriormente trasládase a Santiago para matricularse na Facultade de Farmacia realizando algúns cursos por libre e outros por oficial e licénciase no ano 1931. Exercería como farmacéutica en Verín onde faleceu no ano 2001.
Vid: Cid Galante, Rosa María. Tese de Doutoramento

13 septiembre 2015

ENCARNACIÓN RIVERA GRAN

Naceu en Ourense no ano 1907 e pertencía a unha familia de clase media de pai empregado. No ano 1917 cando tiña dez anos ingresa no Instituto Provincial e matricúlase nos seis cursos pola opción oficial acadando unhas cualificacións notables. En 1923 acada a titulación e solicita traslado á Universidade Central de Madrid. Alí realizará estudos de Medicina especializándose no campo da Pediatría. Foi consultora do chamado Pirulí. Desenvolveu o seu traballo en Vigo onde sería homenaxeada. Faleceu en 1991.
Vid: Cid Galante, Rosa María. Muller e educación en Ourense 1900-1930. Tese de Doutoramento.
La Voz de Galicia

10 septiembre 2015

MENCHU

Menchu é unha cantante ourensá que nos anos sesenta triunfaba en España. Formouse no coro do Colexio Santo Domingo e tamén no Conservatorio da cidade recén creado. Por aquel entón xa amenizaba e acudía a festivais benéficos e veladas diversas. Despois do éxito acadado na Radio Madrid participou no IV Festival de Benidorm en 1962 coincidindo con Rafael e co que compartiu escenario.
Posteriormente asinou un contrato con Hispavox co que fixo algunha gravación e chegou a ter un club de fans. Pasado un tempo, rompeu o contrato coa compañía musical e regresou a Ourense onde formou un cuarteto musical.
Ao contraer matrimonio deixou a música de xeito profesional e simplemente cantaba en festas e reunións de amigos.
Sen dúbida, foi unha gran cantante.
Vid: La Región
Foto extraída da portada do se disco: http://www.todocoleccion.net/discos-vinilo/menchu-ep-hispavox-festival-benidorm-1962-llevan-quisiera-cada-cual-alba-amor-slow-rock-bolero~x48694399