Etiquetas

17 febrero 2014

PILAR GALLEGO DOMÍNGUEZ

Pilar Gallego nace en Ourense no ano 1926. Nace no seo dunha familia que vai ser notable na cidade de Ourense. Pilar será irmá de Olga, Luís e Manolo Gallego. E como ben di Rafael Salgado, bo coñecedor das xentes da nosa cidade:
"Poucas familias ao completo, son acredoras, do respecto e agarimo de toda unha cidade; pero este caso sen dúbidas é un deles. A familia Galego Domínguez, Olga, Pilar, Manuel e Luís, creo que son e foron, un exemplo a seguir, discreción, traballo, xenerosidade e intelixencia, son só algún dos seus valores"
Efectivamente, de Dona Olga xa temos unha entrada no noso blog de mulleres pero agora é meritorio incluír a Dona Pilar, muller modesta. Estudou farmacia, profesión á que se dedicou, sendo pioneira no seu tempo. Pero, tamén,  foi  fundadora da Sociedade de Filateria, actividade e afición pola que recibiu a Medalla de Ouro. Estamos, polo tanto ante unha muller culta e interesante que, xunto coa súa irmá Olga, enriquecen a cultura do noso Ourense.
Vid:Ourense no Tempo
Sociedade Miño
Foto: Dona Pilar recibindo a Medalla de Ouro da Sociedade de Filateria. Vid: Sociedad Filatélica

No hay comentarios:

Publicar un comentario