Etiquetas

13 septiembre 2017

MARTA GONZÁLEZ FREIRE

Marta González naceu en Ourense en 1983 no seo dunha familia relacionada coa medicina, pais xinecólogo e nai enfermeira, e é obrigado destacala no noso blog pola súa interesantisima traxectoria. Traballa desde 2013 en Baltimore no Instituto Nacional de Envejecimiento, National Institute of Aging, NIA. Licenciada en Ciencias do Deporte e doutora en Fisioloxía do Exercicio, Marta González comezou a súa especialización académica e profesional no ámbito da xenética e a bioloxía celular, onde conta con máis de sete anos experiencia. Actualmente traballa baixo a dirección do prestixioso investigador Luigi Ferrucci no estudo dos cambios que experimenta o organismo conforme a persoa envellece, para a partir de aí determinar como se pode atrasar este envellecemento.
Ademais da súa ocupación como investigadora tamén é unha importante triatleta preparándose disciplinadamente (érguese ás catro e media da mañá para entrenar e ás oito vai a traballar) para participar nos eventos deportivos e conseguir a clasificación para o campionato do mundo.
Sinxelamente, un orgullo tela no noso blog.

Vid: La Región
La Voz de Galicia

09 septiembre 2017

LOURDES HERVELLA



Lourdes Hervella é unha escritora nacida en Verín e afincada en Cataluña. Destaca esta escritora por unha narración que atrapa ao lector cunha temática que ela califica de "apocalíptica". Leva implicada na novela, que vai ser unha triloxía, titulada "Proyecto Madre" ambientada nunha Barcelona invadida por zombis e onde se mergulla nas profundidades do ser humano para atopar o mellor e o peor del. Recentamente publicou a segunda parte titulada "La Humanidad Perdida" onde dá continuidade á historia.
É de mérito destacar a esta muller ourensá que se introduce con éxito no mundo literario nacional.
Vid: La Voz de Galicia

05 septiembre 2017

MARCELINA AHUJA

Nun interesante artigo de La Región fálase da Rúa Alba, rúa que uniu a Rúa do Progreso e Santo Domingo creada no ano 1867 e hoxe denominada Alejandro Outeiriño-Cardenal Quiroga. Segundo a reportaxe tratábase dunha rúa dinámica en canto a negocios varios e entre eles quería destacar un en especial polo tema que nos toca neste blog. Trátase dunha Academia de señoritas creada no ano 1877 por Marcelina Ahuja. É unha mágoa non ter máis documentación ao respecto para afondar na vida de Marcelina, non obstante, aínda que só se trate dunha reseña breve creo que merece a pena que figure no noso blog.
Vid: La Región

09 julio 2017

ANGELES TOVAR MORAIS

Ángeles Tovar naceu no 1914 en Ourense e  ingresou no Instituto Provincial no ano 1926 á idade de 12 anos. Estivo matriculada en cinco cursos realizando os estudos por libre e oficial, concretamente dous por libre e tres por oficial. Obtivo o título cunha cualificación notable e solicitou o ingreso na Escola Normal de Mestras de Ourense. Era irmá de Dona Amalia Tovar Morais que tamén cursou estudos no Instituto Provincial.
Dona Ángeles foi candidata polo Partido Comunista ás eleccións ao Congreso no ano 1979.
Vid: Cid Galante, Rosa María, Muller e educación en Ourense (1900-1930).

28 mayo 2017

PAZ GULÍAS NANTES

Coma sempre, para este blog, é unha honra incluír a mulleres tan relevantes como Dona Paz Gulías Nantes grazas á xenerosidade e permiso do seu fillo Néstor Martín Gulías, catedrático de Debuxo Técnico.
Acláranos don Néstor que a súa nai, Dona Paz Gulías Nantes, naceu en Marín (Pontevedra) pero, desde moi nova, veu vivir a Ourense e aquí casou con Néstor Martín Pardo, catedrático de violín do Conservatorio de Música de Ourense.
Dona Mª Paz Gulias Nantes  foi unha pintora e escultora profesional consagrada, con máis de 100 exposicións individuais en España e no estranxeiro. Foi bolseira polo Ministerio de Educación no ano 1959 en Vigo (Pontevedra) e obtivo varios diplomas e premios entre eles:
  • O da Terceira Bienal de escultura de Artistas galegos en 1977 en Sarria (Lugo)
  • Premio de pintura no Liceo casino de Marín (Pontevedra) en 1980
  • Premio do foro cultural de Coyoacán en 1980 de México D. F.
Hoxe figuran as súas obras en centros oficiais e museos, por exemplo,  no Palacio de Lidia o Retrato da Duquesa de Alba; no Palacio da Zarzuela, o Retrato de S. M. O Rei don Juan Carlos.
Dedicou toda a súa vida á arte da pintura, do debuxo e da escultura sen descanso, compatibilizando o desenvolvemento de toda a súa obra coa docencia no colexio Salesianos de Ourense e nos seus estudos particulares de Oviedo (1992-1994), e máis adiante nas salas de arte particulares de Vigo e Ourense (1995-2002). Mª Paz Gulias Nantes deixou máis de 5000 obras das que existen unhas 1000 catalogadas.
Desde 1959 ata 1996 levou a cabo numerosísimas exposicións e as súas obras están expostas por toda Galicia e no resto de España así como en coleccións particulares no estranxeiro. 
Non cabe dúbida que estamos ante unha muller salientable no mundo das artes.Cun estilo pictórico achegado ao impresionismo, de temática variada e rica, de pincelada notable e grosa e de cores vivos e brilantes.Detrás de todo iso hai un gran dominio do debuxo e das técnicas pictóricas. Nas súas esculturas decántase maiormente pola figuración feminina con xestos graciosos e optimistas e onde a cor volve ter protagonismo.

17 mayo 2017

MARÍA FERNÁNDEZ ACHE

María Fernández Ache, é dramaturga e actriz, nacida en Verín (Ourense) e residente en Londres.

María Fernández Ache, menos coñecida en España xa que a maior parte da súa carreira desenvolveuse en Inglaterra, é unha actriz, autora teatral e directora que cultivou varios premios internacionais .
Está casada co actor Will Keen, protagonista de Refuxiados.
Entre as obras dirixidas destaca A Traizón que é unha adaptación da obra homónima do Premio Nobel británico Harold Pinter onde profúndase nas consecuencias da mentira e a deslealdade.
Vid: Galicia Dixital


19 marzo 2017

DOLORES R.

Hoxe dedicamos esta entrada a Dolores R. unha historia conmovedora que é o reflexo da sangría da emigración ourensá. É unha historia que recolle magnificamente o noso amigo David Simón no seu magnífico Diario de un médico de guardia que é digno de consultar.
Conta David Simón como lle impactou a Luis Seoane a historia de Dolores e como quixo reflectila nun cadro.
Dolores R. era unha muller ourensá que nos anos sesenta viaxa a Xenebra para ver aos seus fillos. Ela nunca saíra da súa aldea e, polo tanto, os veciños colgáronlle un cartel co enderezo dos seus fillos. Foi no tren sen quitar nunca o cartel para que lle indicaran que tren debía coller cada vez e chegou a Xenebra e amosaba o seu cartel e non falaba. Non a deixaron pasar e os seus fillos non puideron facer nada. Así que, montárona no tren para voltase á súa aldea.
É un duro testimonio da emigración e da dor que causa nas familias a separación dos fillos cando se ven obrigados a marchar.
Supoño que moitas mulleres ourensás sentiron o mesmo e viviron parecidas historias. Para elas esta homenaxe ás nais, mulleres ourensás, que viron partidos os seus corazóns.

Diario de un médico de guardia
(Piquen no enlace, lean a marabillosa entrada de David Simón)

11 marzo 2017

ROCÍO AREÁN ÁLVAREZ

Rocío Areán Álvarez naceu en Ourense no ano 1920 no seo dunha familia solvente. Figura inscrita no Instituto Provincial de Ourense pero non figura o seu expediente, aínda que si o da súa irmá, Isabel que remata os estudos para trasladarse á Universidade. Rocío, máis nova que a súa irmá, tamén conseguirá o título e trasladaríase á Universidade (lamentablemente nos expedientes da Universidade de Santiago non figura, poida que se trasladara a outra cidade). Rocío Areán será unha das profesoras do colexio Cisneros impartindo Lengua e Literatura.
Vid: Cid Galante, Rosa María, Muller e Educación en Ourense 1900-1930.

04 marzo 2017

CARMEN LORENZO MARTÍNEZ

Naceu en Lovios no ano 1917. No ano 1939, cando tiña 22 anos, matricúlase na Facultade de Farmacia de forma oficial. Remata os estudos no ano 1943, licenciándose nese ano e obtendo unha boa cualificación media, segundo consta no seu expediente.
Esta información foi extraída da miña base de datos das primeiras ourensás que accederon á Universidade. No expediente consta como María, non como Carmen (aínda que este detalle parece ser habitual, pois atopeime varios casos) Se fose así, é dicir, que eludirían nos expedientes o nome de Carmen, podemos pensar que María Lorenzo (como así se recolle nos expedientes) puidera ser a profesora Carmen Lorenzo que exerceu como profesora no Instituto Provincial de Ourense.
A fotografía que se amosa é a que figura no blog do meu aprezado amigo Rafa Salgado, gran coñecedor da vida ourensá.
Vid: Cid Galante,Rosa María, Muller e educación en Ourense  1900-1930.
Foto: Ourense no Tempo.

28 febrero 2017

INÉS PÉREZ BELMONTE

Inés Pérez Belmonte, muller destacada na historia de Ourense do século XVI,  estaba casada co corrixidor de Ourense, a quen mataron as hostes do señor do Palacio de Ocas (o actual Liceo). Con afán de xutiza, Inés  preiteou contra os asasinos do seu marido durante tres anos. Finalmente acabou casándose co de Ocas. E cando o seu segundo marido morreu, o primoxénito herdou o palacio e ela tivo que irse co resto dos seus fillos a seguir buscando un futuro. Mentres tivo poder económico e social, Inés Pérez Belmonte foi unha auténtica mecenas. Ela encargou e pagou a Inmaculada de Juan de Juni que custodia o Museo ourensán o que demostra o seu gusto refinado, a súa independencia económica e esa capacidade de liberdade e decisión que a caracterizaron.

Dona Inés tiña unha forte personalidade e poderoso atractivo, pertencente á fidalguía ourensá, tivo unha educación exquisita, parella á que recibiu o seu irmán en Salamanca. Durante anos residiu no Palacio dos Oca, hoxe Liceo ourensán, e no Palacio de Afonsas, en Celme. Soubo facerse visible nunha sociedade hostil e discriminatoria cara á muller, participando activamente na vida social da cidade. Sempre fixo valer os seus dereitos non evitando preitos nos que defendía os seus intereses e os dos seus fillos.
Vid: Gallego, Olga. Historia da muller. Mulleres ourensáns dos séculos XIV-XVIII. Xunta de Galicia, Dirección Xeral de Patrimonio Cultural: Servizo Galego de Igualdade; [Ourense]: Grupo Marcelo Macías, Museo Arqueolóxico Provincial de Ourense, 2008.

Foto: Inmaculada de Juan de Juni. Obra encargada por Dona Inés. No Museo Arqueolóxico Provincial de Ourense. 

27 diciembre 2016

JOSEFINA GÓMEZ MENDOZA

De novo voltamos botar man de ilustres mulleres que tiveron a súa ascendencia ourensá. Non podíamos deixar de mencionar a Josefina Gómez que, aínda que nacida en Madrid, ela é descendente da Casa de San Pedro de Sanín, casa fundada en 1659 por Jacinto Sánchez de Losada casado en segunda nupcias con María de Mendoza Maldonado.
Dona  Josefina Gómez é a segunda muller que ingresa na Real Academia da Historia desde a súa creación en 1735. A catedrática de Análise Xeográfica Rexional da Autónoma, elixida en primeira votación en 2002, ocupa a vacante existente desde o falecemento de Manuel Alvar. Josefina Gómez Mendoza foi tamén a primeira muller reitora dunha universidade española. Foi elixida para este cargo na Universidade Autónoma de Madrid en 1984. Previamente, en 1980, foi decana electa da Facultade de Filosofía e Letras da UAM e dirixiu o departamento de Xeografía durante dez anos (1987-1997). Actualmente compaxina a súa traxectoria docente e investigadora con responsabilidades no Consello Asesor de Medio Ambiente da Comunidade de Madrid. Ademais de posuír numerosos premios, é o presidente do Comité Español ante a Unión Xeográfica Internacional e secretaria da Comisión Xestora do Colexio de Geógrafos. Desde outubro do 2001, preside a Comisión de Historia do Pensamento Xeográfico da Asociación de Geógrafos Españois. En 1998 recibiu a medalla da Universidade Autónoma de Madrid.

O 21 de marzo de 2006 leu o seu discurso de ingreso na Academia de Enxeñaría, efectuando unha análise da estrutura urbana de Madrid e Barcelona.

Fonte: https://www.uam.es/personal_pdi/ciencias/depaz/mendoza/mendouam.htm.

Foto: http://elpais.com/diario/2006/05/28/eps/1148797607_850215.html

MARÍA FRANCISCA DE ISLA Y LOSADA

Como é sabido, María Francisca de Isla, escritora ilustrada, naceu en Santiago de Compostela no ano 1734. Efectivamente, neste blog recollemos información de mulleres ourensás, pero non podemos deixar de mencionar a mulleres relevantes que tiveron a súa ascendencia familiar na nosa provincia, como é o caso que estamos a tratar.
María Francisca de Isla y Losada era filla de José Isla de La Torre e de María Rosa de Losada, a súa segunda muller, natural de Trives, lugar onde casaron. Os avós de María Francisa de Isla por parte de nai eran Cristóbal de Losada Osorio e María Buelta de Velasco da parroquia ourensá de Trives, concretamente de san Mamed de Trives.  De novo, Ourense, resalta na intelectualidade galega.
Tratábase dunha familia de orixe nobiliar. Francisca de Isla desenvolveuse nun entorno moi cultural e intelectual. María Francisa creceu nun ambiente acomodado e criouse co seu irmán. Casou con Nicolás Jacinto de Ayala a través do cal puido coñecer a numerosos intelectuais. A pesares do seu inxenio e dos escritos que realizou, non quixo que estes perdurasen e pouco antes de morrer, destruiu a maior parte das súas poesías, polo que non existen publicacións ao seu nome, tan só recopilacións dalgunhas das súas poesías e cartas. Algunhas das composicións de María Francisca de Isla y Losada están escritas en galego (romance galego dirixido ao cura de Fruíme don Diego Antonio Cernadas de Castro y Ulloa), nun século no que non abundan as composicións da lingua vernácula.
Vid: GARCÍA CORTÉS, M., María Francisca de Isla y Losada (1734-1808). Una conexión literaria en la Compostela de la Ilustración, Madrid, Instituto de Estudios Gallegos “Padre Sarmiento”, 2007, 358 pp.

03 noviembre 2016

LOLI CARBALLO

Naceu en Santa Marta de Maceda, Ourense, no ano 1959 e desde moi pequena tivo claro que lle gustaban as artes plásticas que estimulaban a súa imaxinación e o seu pensamento.
No ano 1996 realiza estudos de debuxo artístico, pintura, fotografía e talla en madeira na Escola de Artes e Oficios de Vigo, onde perfecciona a súa formación académica ensaiando con novas técnicas e materiais. As súas obras son moi diversas froito tanto das súas inquedanzas como da investigación nas técnicas mixtas.
A súa obra é unha chegada á expresión mínima despois dun proceso de análise desde o punto de vista da filosofía de Platón e Aristóteles. Dá como consecuencia unha obra abstracta quedándose coa esencia das formas.
Realiza exposicións en Vigo, Santiago, Bueu, Ribeira, Vilagarcía de Arouse, Pontevedra, Huelva...

10 octubre 2016

SUSA ARMESTO

Susa, Nace na alta montaña ourensá, filla dun mecánico e unha campesiña. Aos seus 4 anos foi adoptada e pasou, en grao sumo humilde todo o máis poderoso, social e economicamente falando, lembra emocionada e agradecida, o legado humano e cultural que recibiu do seu catro avós adoptivos, o elegante e coherente exemplo que lle deron, a súa dozura, a súa tenrura.
Estudou Dirección e Realización de Cinema e Tv na Escola Superior de Comunicación CEV ( Madrid 1984), cidade na que posteriormente fundou e dirixiu, con 24 anos, unha axencia de prensa comprometida co xornalismo de investigación e a denuncia social.
Os seus traballos como guionista e directora de cinema e tv, e fotógrafa, abarcan o reporterismo de denuncia social, a crónica de actualidade, a fotografía publicitaria e artística, e diversos tipos de reportaxes.
Fundou e dirixe actualmente un Studio de creacións multimedia no que desenvolve as súas múltiples facetas profesionais e artísticas como profesora de imaxe, investigadora, como directora e guionista de cinema, como fotógrafa, escritora, Curadora de contidos, ilustradora e artista dixital.
A obra máis importante na que traballa desde hai 8 anos é un documental en primeira persoa e de carácter pedagóxico onde cuestiona a adopción e achega a súa persoal visión sobre o dereito á identidade e á orixe.

25 septiembre 2016

EHLABA CARBALLO DE DIOS

Ehlaba Carballo de Dios, artista pictórica, naceu en Xunqueira de Espadañedo, Ourense en 1960. Licenciouse en Belas Artes e na actualidade compaxina a súa vida profesional coa artística. Despois de realizar obras de diversas temáticas e técnicas, no ano 2002 muda o seu estilo e comeza a pintar árbores, troncos, círculos de cores vivas e de moita luz. E é que son parte fundamental da súa obra a luz, a cor e a simboloxía plasmando un cosmos ordenado a través dos números e tamén a xeometría onde as cores e as formas simplifícanse chegando case á abstracción lineal. Co concepto de que  todos somos un e que a realidade que vemos é moi reducida, cada obra representa un fragmento da realidade, unha parte que marca as múltiples olladas,  o seu anaco de verdade. un todo  do que formamos parte en conxunto e por separado en cada unha das súas partes independentes, respondendo cada cadro a unha parte dunha realidade inabarcábel. Coa unión de unidades independentes Ehlaba crea unha obra de arte total e sintética.
Realiza a súa primeira exposición en decembro de 2005 en Ponteareas. A partir de entón as súas obras percorren salas e museos de Ourense, Vigo, Santiago de Compostela, Lugo, Barcelona, Irún, Lleida, Madrid, Portugal, Florencia, Nova York, Miami, París, Kyoto e ToKio. Pero Ehlaba ten un amplísico currículo e a súa traxectoria está transcendendo cada vez máis, sendo considerada unha artista de referencia.

A súa traxectoria é inmensa e imparable.

PROYECTOS – PROJECTS
“A Musa da Paz”
Ehlaba foi a encargada do proxecto “Musa da paz” que se levou a cabo en Setembro de 2016 no Auditorio Municipal de Ourense . A artista, como coordinadora, foi quen de reunir nunha exposición colectiva un gran número de artistas. Todos e todas, entre eles Ehlaba, expuxeron obras nas que a Paz era o temática principal.

“Unha porta do Rial” :
Museo Ramón Mª Aller Ulloa-Lalín (2016)
Sala de exp. Do Concello de Ponteareas (2016)
Sala de exposicón do Concello de Verín   (2016)
Castelo de Maceda (2016)
Museo do Pobo Galego-Santiago (2016)
Centro cultural Marcos Valcárcel da Deputación de Ourense (2015)

 “30+3” :
Sala de Exposición do Concello de Verín (2016)
Castelo de Maceda – OURENSE (2015)
“Olladas de luz” – Fundación Vicente Risco en Allariz (2015)
“Un camino”- Nosoutras  –  MIHL – Lugo (2015)
 “árbores” –  Castelo de Maceda  – Ourense (2014)
“Reencuentro” – Galería Sargadelos – Ourense  (2010)
MUSEOS – MUSEUMS
Museo do Pobo galego – Santiago de compostela – españa (2016)
Museo interactivo de la historia de Lugo (mihl)- lugo – españa (2015)
Municipal museum of art – Kyoto –Japón (2010)
Museum of art – Hiroshima – Japón (2010)
The national art center – Tokio –Japón (2010)
Museo del Louvre – París – Francia (2009)
Museo de las Américas – miami- eeuu (2008)
FERIAS INTERNACIONALES – INTERNATIONAL ART MARKETS
“ARTEANDO” – Irún –  Guipúzcoa – España (2011)
“Carrusel del Museo Louvre de París 2009” – París – Francia (2009)
 “PURO ARTE VIGO  2009” – Vigo – España (2009)
Feria de Arte Independiente LLEIDART – Lleida – España (2008)
“ARTEXPO NEW YORK 2008” –  New York – EEUU (2008)
“PURO ARTE VIGO 2007” – Vigo – España (2007)
X Feria Inernacional de Arte Contemporáneo de Castilla y León – Valladolid- España (2007)
GALERÍAS – ART GALLERY
2015
Galería NOV – A Coruña
Apo´strofe  Sala de Arte– Vigo

2014
Galería Visol-Ourense
Galerie Artes – París
LLEI d´ART – Madrid
2013
Galería de arte “El Taller” –Santiago de Compostela
Crisolart Galleries . Barcelona
Galería EMMA – Madrid
Feria de Arte de Baiona  – Pontevedra
2012
Sala expos. Casa do Curro de Monçao  “Alén do Miño 2012” -– Portugal
“Exposición de verano AlterARTE” – Sanxenxo -Pontevedra
2011
Castillo de Maceda – Ourense
2010
Galería de Arte Visol – Ourense
2009
Galería “Art nou mil-lenni” – Barcelona
Galería Galyarte – Santiago de Compostela
Sala Expos. De la Biblioteca Municipal de Ponteareas – Pontevedra
Sala Expos. “Círculo Mercantil” – VIGO
2008
Sala de Expos. de la Biblioteca Municipal de Ponteareas – Pontevedra
 “FLY Art Gallery Florencia” – Florencia-Italia
2007
Crisolart Galleríes – Barcelona
2006
Centro Artístico Sportivo” Ponteareas

Vid: Ehlaba

17 septiembre 2016

JOSEFINA GARCÍA DE NOIA

Josefina, coñecida polo nome de Pepa Noia, naceu en Arxentina pero tiña raíces ourensás xa que os seus pais eran de Leiro. Naceu o 6 de xullo de 1921 e traballou coidando nenos e foi obreira textil. A súa notoriedade vén por ser unha das fundadoras das Nais da Praza de Dous de Maio despois da desaparición da súa filla. Foi unha das mulleres que esixiron responsabilidades polos crimes cometidos.
Vid: Wikipedia
La izquierda diario
Foto: Museo de la Memoria

02 julio 2016

FLOR FERNÁNDEZ SANTAMARINA

Flor Fernández (Verín, Ourense, 1953) combina a fotografía, a escultura cerámica e a narrativa. A súa obra foi presentada en mostras colectivas en Bélxica, Italia, Portugal e diversas cidades españolas (Ourense, Cádiz, Madrid, Bilbao, etc.) e en exposicións individuais no Museo Municipal e o Outono Fotográfico de Ourense. Tanto no seu traballo escultórico como no fotográfico, utiliza unha linguaxe orgánica, intimista e intuitiva que combina a frescura, a proximidade e a fantasía de claras referencias surrealistas. É autora da obra de literatura infantil "Fábula de Paulina" e colabora na radio cunha sección semanal de relatos breves: "Pequenas Historias".
Vid: El rincón de Mariflores

GLORIA NOVOA

Gloria Novoa naceu en Ourense e dedícase de forma profesional á música como cantante soprano. Colaborou co Madrid Sinfonietta Orchestra no XIII Festival de Artes Sacras. Colaborou nos coros do "Mesías de Haendel" dirixido por Andrea Marcon. Forma parte do proxecto Singing Britain que quere dar a coñecer o repertorio da canción inglesa dos séculos XIX e XX.

APRONIA RUFA

Menciónase como a dedicante dunha lápida funeraria, en forma de cartela, ás súas fillas mortas. Dita lápida apareceu no adro da Igrexa de Castro Escuadro en Maceda. Relaciónase a esta familia coa explotación mineira do entorno, puidendo tratarse dunha muller que casou sucesivamente con dous membros do persoal directivo do xacemento mineiro. A categoría da cartela parece indicar a distinguida condición social de Apronia.
Vid: Centro de Interpretación de Aquis Querquernis.

23 junio 2016

PHOEBE WILKES

Phoebe Wilkes é unha escritora ourensá que naceu en 1995. Este nome é o alcume dunha misteriosa novelista que se converteu nunha escritora de gran talento. Escribiu cinco libros xénero policíaco e de ficción histórica. Ten numerosos seguidores en Wattpad, a comunidade virtual máis grande para escritores e lectores.
Ela prefire manterse no anomimato pero as súas obras son moi lidas e teñen grande acollida. Os títulos son:
Óbice mortal
Falsa alarma
El misterio de Rosink Hall
Muerte a caballo
Relatos esperpénticos
Vid: La Región

YOLANDA GRELA BETORET

Yolanda Grela Betoret estudou, no Conservatorio de Ourense, piano, harmonía e canto, obtendo nesta última disciplina a máxima cualificación.
Realizou cursos de Dirección Coral en Pontevedra, Vigo, Segovia, Madrid e Roma, con profesores tan afamados como Javier Busto, Xulio Domínguez, Jorge Alves, Rainer Steubing, Monseñor Pablo Colino, Carlo Pavese e Enrique Azurza. Técnica Vocal para coro con Helen Larson e Larisa Fedorenko. Así mesmo obtivo diploma en cursos de Pedagoxía Musical e Música na Escola organizados pola Confederación Coral Española.
Foi soprano durante 10 anos do Cuarteto Madrigalista “Gaudeamus”. Integrante do Coro do Conservatorio de Ourense. Solista e subdirectora do Orfeón Unión Orensana. Directora da Coral Orensana dende 1997 ata 2003, data en que se fai cargo da Coral do Liceo.
No ano 2000 dirixe a Misa Xubilar na S. I. Catedral Basílica de Ourense, en que participaron cantando conjuntamente, coros da Diocese de Ourense, (600 voces).
Imparte cursos de Técnica Vocal a coros da provincia. É profesora de música da Escola Coppelia, na que formou un coro infantil.
É Directora da Sección de Música e Canto do Liceo de Ourense.

17 mayo 2016

DELIA OSORIO OTERO

Delia Osorio naceu en 1892 en Barra, Castro Canedo. En 1909, cando tiña 17 anos, matricúlase por libre na Escola Normal de Mestras de Ourense e ao rematar o primeiro curso solicita certificado de traslado á Escola Normal de León. Alí finalizará os estudos e regresará a Ourense para exercer a súa profesión.
Afiliarase ao sindicato ATEO pois era unha preocupada pola ensinanza e os métodos que se deberían aplicar nas aulas para mellorala. Dito sindicato publicou 22 revistas desde 1932 a 1933.
Lamentablemente algúns os mestres e mestras que estaban afiliados a ATEO foron destituídos, entre eles Delia Osorio quen foi destituída en 1936 xunto con outros por orde do Gobernador Civil da Cidade.
Vid: Cid Galante, Rosa María; Tese de Doutoramento; La Región

17 abril 2016

MONTSE MERINO

En agosto 2015, asistiu ao 8th Nordic Music Therapy Congress que se celebrou en Oslo, Noruega entre os días 5-8 de agosto, para presentar o seu MODELO CASA BAUBO. A&S. INVESTIGACIÓN CIENTÍFICA EN MUSICOTERAPIA. Combina o seu labor de Presidenta da APM. Asociación Profesionais de Musicoterapia, España e Presidenta de AGAMUS, Asociación Galega de Musicoterapia para a difusión, consolidación e recoñecemento da profesión de musicoterapia en Galicia, España e Europa EMTC. European Music Therapy Confederation, co seu traballo de investigación científica en musicoterapia e neurociencias clínicas; profesora do Master de Medicamento Natural da Facultade de Medicina da Universidade de Santiago de Compostela USC, Destacando a súa faceta como intérprete vocal, no seu Proxecto Musical Sinestésico que propón novos paradigmas e a representación sonora das diferentes personalidades. Foi presentada en diversos espazos e escenarios como: Auditorio Municipal de Ourense, Escola de Verán de IMAP de Vitoria-Gasteiz;  Teatro Casino Liceo de Santoña, Ateneo de Santa Celoni, etc. Quixeron colaborar neste proxecto recoñecidos músicos, expertos improvisadores tales como: Enrique Oliver, Ton Risco,  Alejandro Vargas, Juan Carlos Sanmartín, Victor Correa, Voro García, Francisco García-Álvarez, Jordi Rossy, Albert Bover, Anton Jarl, Jordi Gaspar, Oriol Roca, entre outros.
No 9º Seminario de jazz e Música moderna de Alhaurín de la Torre, propón ao saxofonista Pablo García Veiga, director do Seminario e a EMMAT, un proxecto de colaboración experimental para que a figura do-a profesional da Musicoterapia, forme parte do equipo nos festivais, seminarios de jazz e outras Músicas, tamén como apoio ás necesidades propias das e os Músicos e intérpretes.
Organizou o 1º, 2º e 3º SIJMT, Seminario Internacional de Jazz e Musicoterapia 2013, 2014 e 2015, proxectos pioneiros e de formato orixinal. Nestes seminarios participaron e colaboraron prestixiosos Músicos tales como o histórico pioneiro da Musicoterapia, o Dr. Even Ruud, o lendario músico intérprete e compositor Jorge Rossy e o neurocientífico Dr. Robert Zatorre, ambos os profesores colaboradores en casa BAUBO. EIMMT.CEISH O  primeiro SIJMT celebrado en Ourense en setembro 2013, serviu como prólogo ao Máster en Musicoterapia de Galicia, que organiza a escola Casa Baubo. Formación en Musicoteraia recoñecida de Interese Científico, pola Consellería de Sanidade do goberno de Galicia; xunto coa formación Soando desde a Raíz

O SIJMT, Seminario Internacional de Jazz e Musicoterapia, foi apoiado-recoñecido de Interese Científico, polas Consellerías de Sanidade e Educación do goberno de Galicia e a Universidade de Santiago de Compostela, dirixe o seu propio programa de tv dedicado á Música e a Musicoterapia. O recoñecemento do seu intenso labor profesional, serviulle para conseguir número de rexistro para a profesión da Musicoterapia para España no CNO. 


09 abril 2016

NEVES SEARA

Neves Seara (1983, Ourense), é licenciada en Belas 
Artes pola Universodade Europea de Madrid, especialista en escenografía e tamén en museografía. Na actualidade traballa como docente en artes plásticas. Ten participado en diversas mostras colectivas, nalgún dos casos no estranxeiro: Vigo, Madrid, Córdoba, Bruxelas, Londres, Lisboa ou La Habana. As individuais teñen sido no Casino de La Toja e nas Galerías santiaguesas E48 e Metro. Destaca a súa obra 73 líneas de horizonte (segunda carta ao meu pai) na que a artista executa unha obra que consistía en ir arrabuñando a parede durante unha semana e o público podía facer un seguimento do proceso.